SANDALIGERULI Pueri et SANDALIGERULAE Ancillae

SANDALIGERULI Pueri et SANDALIGERULAE Ancillae

portio Muliebris olim pompae, memorantur Plauto in Trinummo Actu 2. Sc. 1.

Vestispicae, unctor, auri custos, flabelliferae, Sandaligerulae.

Quorum officium indicat. Ovid. de Arte l. 2. v. 211.

Nec dubita tereti scamnum producere lecto,

Et tenero soleam deme vel adde pedi.

Hoc enim exsequebantur pueri ad pedes, et Ancillae, quas tetigimus, a Sandalio: expressitqueve utrumque munus D. Iohannes Baptista, apud Matthaeum c. 3. v. 11. et ceteros Euangelistas, annotante Maldonatô. Erant autem non raro aurea haec Sandalia; ne videlicet virides umbellae, prasinque et pavonina flabella, unice perstringerent oculos, pedum vero tegmina iacerent. Qui, et crepidarum obstragulis, ut ait Plin. l. 9. c. 35. et totis socculis addebant margaritas; quos et ipsos praelatos ab aliqua ancilla no dubitaverim. Et huic lepido puellarum collegio adscribit Pignorius ancillam meretriculae illius, e cuius manu aquila calceum eripuitlavantis dominae, ut demitteret Memphi in gremium Psammetychi Regis, cum ille ius diceret: Imo et virum Consularem et Censorium, Imperiique Curatorem L. Vitellium qui, miri in adulando ingenii, pro maximo munere a Messalina petiit, ut sibi pedes praeberet excalceandos, apud Sueton. Vitellio c. 2. Vide Laur. Pignorium Comm. de Servis et T. Popmam de operis corum. Servabant vero Sandalia haec, ad elegantiam ac delitias comparata, servi ancillaeque praefatae in thecis, quas Σανδαλοθήκας, Menander appellavit. Alias communiter cenaturi, priusquam accumberent in Triclinio soleas deponebant, ne lectorum mensas ambrentium stragula pulvere aut lutô conspurcarentur: quas interea servis suis, propterea Plauto Sandaligeris ac Sandaligerulis vocatis, tradebant custodiendas. Unde de cena loquens Martial. l. 3. Epigr. 50. v. 3. Deposui soleas, inquit: contra qpud Horatium l. 2. Sat. 8. v. 77. defunctus conviviô Na§idienus Soleas po§cit; et hoc vilissimum excalceandi ac recalceandi munus proprie respicere videtur, Iohann. Bapt. loc. cit. Vide Ben. Balduinum de Calceo c. 11.